MAKANDARASI KUWEKWA NDANI KWA KUTOKAMILISHA MIRADI NDANI YA MUDA

GWK, sidhani kwa mujibu ya terms and conditions za mkata kuishia Polisi ndiyo remedy ya kuchelewa miradi/mikataba. Lingine ni kwamba wanaotoa maagizo hayo siyo sehemu ya mkataba (third party). It's so sad!

"watakaochelewesha miradi sasa kuishia Polisi" Vyombo vya habari vimekuwa vikiripoti kwa wingi habari za matukio ya makandarasi kuwekwa ndani au kutishiwa kuswekwa ndani endapo hawatamaliza kazi za mikataba ndani ya muda wanaopewa. Kwa mawazo yangu, kukamilika kwa mradi ndani ya muda hakutegemei utendaji wa mkandarasi peke yake bali wadau wote wa mkataba wakiwemo washauri na wenye miradi kila mmoja kutimiza jukumu lake kwa wakati. Mikataba inavifungu vinavyoelekeza hatua za kuchukuliwa dhidi ya mdau yeyote endapo kuna uzembe wowote katika kutekeleza mkataba. Ni mawazo yangu kuwa adhabu yote ya kuchelewa kwa utekelezaji inatupwa juu ya makandarasi tena adhabu ya kuwekwa ndani ambayo haipo kimikataba.

Nimewahi kuona mshauri amechelewa kuidhinisha michoro kwa wakati na mwenye mali amechelewa kutoa idhini kwa miezi nane lakini mzigo wote ukatupwa kwa mkandarasi ambaye kwa bahati mbaya hakuwa na nafasi ya kujitetea. Niombe wadau wote wa mikataba tutimize majukumu yetu kwa wakati ili kutopelekea viongozi kuingilia kati kwani inaaibisha watendaji wote ambao kimsingi ndio wenye mikataba na taratibu za kuhakikisha kazi zinakamilika kwa wakati
Hayo ni mawazo yangu nakaribisha maoni