Halmashauri zina matatizo gani na wazabuni walio kwenye VAT

Yusuph
Naona usijumuishe Halmashauri zote kwamba zina matatizo hayo. Kwa tafsiri yangu ulitakiwa kufuata taratibu za kutoridhika na maamuzi yaliyofanywa dhidi yako kama yalivyoelekezwa kwenye ITT. Nimeangalia ITT clause 15.3 (small works) na ITT clause 14.3 (medium & large works) kwa pamoja zinasema "All taxes and other levies paid by contractor under the contract ..............shall be included in the rates, prices and total tender prices submitted by the tenderer". Mara nyingi nimeona kodi ya ongezeko la thamani ikikokotolewa baada ya jumla kama ulivyofanya.

Vilevile jaribu kukagua hesabu zako uone kama ulikokotoa (rates)/bei yako vizuri na kama uliondoa VAT kwenye bei ya vifaa kama bati, siment nk. na hivyo ulivyokokotoa kwenye jumla bei yako ikawa kubwa. Kwa mfano, Kifaa kinauzwa duka la jumla 1,000,000+18% =1,180,000. Ukinunua kifaa hiki kwa ajili ya kuuza kwa rejareja na ukafanya (1,180,000 x %faida)+((1,180,000x%faida)x18%) unakuwa umeuza bei ya juu sana. Kama faida yako ni 20% ungeuza sh 1,670,880/=. Nadhani watu wengi huwa tunasahau na bei zetu kuwa kubwa kuliko inavyostahili. Na kwa kweli elimu ya kukokotoa na kutengeneza rate shindani ni muhimu sana.