KATIBU WA BODI YA ZABUNI ANA UMUHIMU GANI KATIKA MAAMUZI YA VIKAO VYA BODI YA ZABUNI?

Ndugu wadau,
Naleta mada hii kwa sina uhakika kama ilishazungumziwa siku za huko nyuma na kama ilikwisha tolewa basi mnikumbushe tu nirejee ili mnisadie kile ninachotaka kuandika hapa. Na kama haijawahi kuzungumziwa basi naanza kuuliza yafuatayo;-

Mosi Kwenye muundo wa Bodi ya Zabuni yenye watu wanane ( , Je Katibu ambae ndio mtaalamu wa Manunuzi  ni mjumbe au sio mjumbe?, Je Kama sio mjumbe yeye ana nanafasi gani katika maamuzi ya Bodi ya Zabuni kwenye vikao husika?,

Pili, sambamba na swali la kwanza hapo juu, Je Katibu wa Bodi ya Zabuni mbali na kuwa mtu wa kuchukua muhtsari wa vikao na naweza kusema kazi ya kuchukua muhtsari wa kikao inaweza kufanywa na Sekretariat ya Bodi ya Zabuni ambao ni PMU staff wengine chini ya HPMU, Lakini swali langu linabaki pale pale kwamba kwenye maamuzi ya kikao husika Je Katibu kama Katibu ana muhimu gani achilia mbali kutoa ushauri wa kitaalamu wa nini Bodi ya Zabuni wanatakiwa kuangalia kulingana na sheria ya Manunuzi iliyopo.

Nimeleta mada hii kwa sababu nimekuwa nikikumbana na changamoto za kila wakati Bodi ya Zabuni nilipo kuwa na kawaida ya kusema hasa inapofikia maamuzi wanapiga kura na kusema wewe Katibu huhusiki kusema chochote kwenye kuamua jambo na wao ndio wenye maamuzi hasa wale wajumbe site (6) walio katika jedwali la Pili kipengere cha 2 (b).  Imekuwa kawaida kwangu kila jambo au suala linalojadiliwa kwenye kikao cha Bodi ya Zabuni linaamuliwa kwa kupiga kura na kama ni kura ndio Katibu hahusiki, lakini je kila agenda yafaa kuamuliwa kwa kupigiwa kura katika bodi za manunuzi kwenye vikao vyao?.

Mbali na hilo katika maamuzi hayo wajumbe wamekwenda mbali zaidi kwa kuwa wanakuwa na mamlaka hayo ya kupiga kura na Katibu anaposhauri jambo katika suala hilo wanaloamua kama halielekei kisheria wao hukataa na kusema sisi ndio wenye maamuzi wewe unashauri tu. Sasa katika hili na mimi kama sikubaliani na maamuzi yao ninaweza kuyaingiza kwenye muhtsari kama inavyzunguziwa kwenye jedwali la Pili kifungu cha 3 katika sheria ya Manunuzi ya mwaka 2004 au tena hapo Katibu atakuwa hahusiki kulingana na kifungu hicho?.

Bodi ya Zabuni katika maamuzi yao na kwa kuwa wao ndio wenye maamuzi kwa kutumia kura wamefikia kipindi hata kwenye suala la Mapendekezo ya Kamati ya Uchambuzi kwenye Evaluation Report wanapiga kura kwa maana ya hata kufikia kubadilisha award recommendations kwa kuwa labda mzabuni aliyependekezwa hafahamiki katika soko hata kama kakidhi vigezo vyote. Katibu ukishauri kwamba itakuwa kinyume na utaratibu basi kura hupigwa kwamba hiyo sisi kama Bodi ya Zabuni tumeamua. Na Labda hudiriki hata kurudisha sana Evaluation report PMU lili zirudiwe kwa maana ya kupunguza vigezo (ku-wave) vigezo vingine ili apatikane hasa inapokuwa aliyeachwa ni lowet price ingawa sababu za kumuacaha zipo basi huamuliwa kuandolewa. Hebu hapa tuelimishane vizuri kwa kutumia uzoefu wa vitu kama hivi na si kwa theory tupu. Tulete Case study ili tuzichambue na labda sehemu nyingine zinapotokea hili huwaje? bila ya kuwa na disagrement mpaka kupelekea kuitaarifu mamlaka kwa maamuzi.
Katika suala hili unaweza kujiuliza labda Bodi ya Zabuni haijapata mafunzo hapa mafunzo walishapelekwa na labda waliyapata na kuyaacha kule.

Nawasilisha ili nipate mawazo ya wenzangu wanasemaje na wengine wanisaidie kama lilisha au linawatokea kama hili na kwamba wanafanyaje, hii ni kwa kuborehs tu utendaji wetu wa kila siku.

Nawasilisha.